Christian Pulisic mun ganga í raðir Chelsea í sumar en hann kemur til félagsins frá Borussia Dortmund.

Pulisic kostar Chelsea 58 milljónir punda og gæti þurft að fylla skarð Eden Hazard sem er á förum.

Hann er spenntur fyrir því að hitta nýju liðsfélagana og nefnir þrjá mikilvæga spilara í Chelsea.

Það vekur þó athygli að Pulisic nefnir ekki Hazard sem er besti leikmaður liðsins.

,,Það eru svo margir góðir leikmenn þarna. Ég er mjög spenntur fyrir því að spila með N’Golo Kante og get ekki beðið eftir því að hitta hann. Ég elska hann sem leikmann,“ sagði Pulisic.

,,Augljóslega aftasta línan líka, David Luiz og Antonio Rudiger, þessir leikmenn. Þetta verður mjög gaman.“