Ander Herrera, leikmaður Manchester United, hefur sent stuðningsmönnum félagsins skilaboð fyrir næstu leiktíð.
Herrera mun kveðja United í sumar en hann verður samningslaus og krotar ekki undir nýjan samning.
Gengi liðsins undir Ole Gunnar Solskjær hefur verið slæmt undanfarið en Herrera hefur þó fulla trú á Norðmanninum.
,,Ég trúi á Ole en það er erfitt verkefni framundan. Það er mín skoðun sem stuðningsmaður og einhver sem þekkir félagið vel,“ sagði Herrera.
,,Þetta eru bestu stuðningsmennirnir, þeir eru magnaðir en þeir þurfa tíma. Þeir þurfa tíma því þetta kemur ekki á einum degi. Félagið þarf tíma, stuðning og sjálfstraust.“
,,Ég er viss um að þeir nái því en það eina sem ég bið um er tími því þetta er ekki auðveld staða. Það er það sem félagið þarf.“
