Real Madrid á Spáni hafnaði risatilboði í Marco Asensio síðasta sumar samkvæmt umboðsmanni leikmannsins.

Asensio er talinn mjög efnilegur leikmaður og hefur fengið töluvert að spila síðastliðin tvö ár.

Hann hefur þó ekki staðið undir væntingum á þessari leiktíð og hefur aðeuns byrjað 20 af 42 leikjum í deild.

Umboðsmaður hans, Horacio Gaggioli, segir að nokkur lið hafi áhuga á spænska landsliðsmanninum en Real vill ekki selja.

,,Undanfarið ár þá hafa komið tilboð upp á 150 til 180 milljónir evra en Real vildi ekki hlusta á þau,“ sagði Gaggioli.

,,Það er alltaf áhugi fyrir Marco frá öðrum stórliðum sem er eðlilegt fyrir svona leikmann.“

,,Hann segist þó alltaf vera ánægður í Madríd og vill ná árangri þar. Hann er enn ungur strákur og er að bæta sig. Félagið er ánægt með hans frammistöðu.“