Liverpool vann miklvægan sigur á Aroni Einari Gunnarssyni og félögum, í Cardiff um helgina, í ensku úrvalsdeildinni.

Aron lék allan leikinn með Cardiff sem þurfti að sætta sig við 2-0 tap gegn toppliðinu.

James Milner skoraði seinna mark Liverpool úr vítaspyrnu, sem Mo Salah hafði fiskað. Salah var ósáttur með að fá ekki að taka spyrnuna.

Hann og Milner fóru yfir málið en Milner er vítaskytta liðsins, Salah er hins vegar að berjast um gullskóinn í deildinni.

Markið hefði komið honum á toppinn í þeirri baráttu, það er líkleg ástæða fyrir fýlu hans. Eftir að Milner hafði skorað var Salah eini leikmaðurinn sem fagnaði ekki.

Liverpool er á toppi deildarinnar en atvikið er hér að neðan.