Gary Neville, fyrrum leikmaður Manchester United, var bálreiður í dag eftir 4-0 tap liðsins gegn Everton.

Eftir leik bað Ole Gunnar Solskjær stuðningsmenn afsökunar á frammistöðu liðsins sem var fyrir neðan allar hellur.

Neville segir að það sé skammarlegt að Norðmaðurinn þurfi að gera það eftir leik og gagnrýnir leikmenn liðsins.

,,Ég er brjálaður, það að að hann þurfi að biðja stuðningsmenn afsökunar eftir lokaflautið er til skammar,“ sagði Neville.

,,Ég hef 100 prósent trú á Ole Gunnar Solskjær en hann þarf á trausti að halda og þessi frammistaða var viðbjóðsleg.“

,,Ég sé það fyrir mér að Solskjær sé að missa trú á sumum af þessum leikmönnum.“