Joey Barton var stöðvaður af lögreglunni í gær en hann stýrir liði Fleetwood Town í ensku þriðju deildinni.
Barton er ásakaður um að hafa ráðist á Daniel Stendel eftir leik í gær en Fleetwood tapaði gegn Barnsley, 4-2.
Barton er sagður hafa brotið tvær tennur í Stendel í leikmannagöngunum eftir leik en sá síðarnefndi er stjóri Barnsley.
Nú er talað um það að það verði mögulega hægt að sjá árás Barton síðar á árinu á Netflix.
Samkvæmt the Daily Mail hefur Netflix áhuga á að birta heimildarmynd um tímabil Fleetwood og undir stjórn Barton sem tók við á síðasta ári.
Barton er mjög umdeildur karakter en hann fór oft yfir strikið sem leikmaður á sínum tíma og þykir vera litríkur þjálfari.
Ef Netflix tekur að sér að birta myndina þá er hún væntanleg síðar á árinu.
