Ensk og spænsk blöð segja frá því í dag að Zinedine Zidane, þjálfari Real Madrid hafi áhuga á Sadio Mane leikmanni Liverpool.
Mane hefur áður verið orðaður við Real Madrid en nú er sagt að Zidane hafi áhuga á honum.
Mane hefur verið í frábæru formi síðustu vikur og dregið vagninn í sóknarleik Liverpool, það hefur vakið athygli.
Vitað er að Zidane verður mjög virkur á félagaskiptamarkaðnum í sumar og gæti Mane verið eitt af þeim nöfnum sem hann reynir við.
Eden Hazard er einnig sterklega orðaður við Real Madrid sem ætlar sér að komast aftur í fremstu röð eftir erfiða mánuði.
