Það er enginn möguleiki á að Olivier Giroud sætti sig við að vera varamaður fyrir annan framherja hjá Chelsea.

Þetta sagði Frakkinn í gær eftir 5-0 sigur Chelsea á Dynamo Kiev þar sem Giroud skoraði þrennu.

Gonzalo Higuain er aðalmaður Chelsea í deildinni en Giroud tekur það ekki í mál að sætta sig við endalausa bekkjarsetu.

,,Það er ekki möguleiki. Ég er hér til keppa. Ég hef upplifað mikið á ferlinum og vil njóta þess að spila eftir að hafa unnið HM í sumar,“ sagði Giroud um að vera varamaður fyrir einhvern.

,,Ég vil njóta mín eins mikið og ég get á vellinum. Ég vil fá að spila hvern einasta leik og vera ánægður en ég vel ekki liðið.“

,,Ég spila í Evrópudeildinni og er ánægður með að geta hjálpað liðinu að komast áfram. Markmiðið er að vinna keppnina. Ég er 32 ára gamall en líður enn eins og ég sé ungur.“