Manchester United er komið í 8-liða úrslit enska bikarsins eftir leik við Chelsea í gær.
Leikurinn fór fram á Stamford Bridge í London en United hafði betur með tveimur mörkum gegn engu. Bæði mörk leiksins komu í fyrri hálfleik og voru þau bæði með skalla eftir fyrirgjöf.
Ander Herrera gerði fyrra mark gestanna frá Manchester áður en Paul Pogba bætti við öðru.
Callum Hudson-Odoi kantmaður Chelsea fékk ekkert að spila í leiknum, hann er í kuldanum hjá Maurizio Sarri stjóra liðsins.
Hudson-Odoi fékk aðeins að spila í janúar þegar hann vildi fara en núna fær hann ekki tækifæri.
Svipbrigði hans til Sarri í leiknum, sega alla söguna. Ekki sáttur.