Declan Rice, miðju og varnarmaður West Ham hefur ákveðið að spila fyrir enska landsliðið. Hann gat valið á milli Englands og Írland. Rice er fæddur árið 1999 og er orðaður við stærri lið.
Rice er fyrst og síðast Íri en fæddist í London og var því með tvöfallt ríkisfang. Hann hefur lengi legið undir feld en ákvað á endanum að velja England.
Rice er væntanlega að velja England vegna þess að liðið fer iðulega á stórmót, möguleikarnir eru því meiri.
Einnig gæti þetta fært honum auknar tekjur en enskir landsliðsmenn fá oft ríkulega borgað frá styrktarðilum og fleira.
Íslendingar þekkja svona mál vel en árið 2013 kaus Aron Jóhannsson að spila fyrir Bandaríkin. Aron fæddist í Alabama í Bandaríkjunum en er fyrst og síðast Íslendingur. Málið vakti mikla athygli og talsverða reiði.
Rice kveðst meðvitaður um það að írskir stuðningsmenn verði ósáttir með sig.
— Declan Rice (@_DeclanRice) February 13, 2019