Cardiff heimsótti Southampton í ensku úrvalsdeildinni í dag en leikurinn fór fram á St. Mary’s í Southampton.
Aron Einar Gunnarsson og félagar unnu góðan 2-1 sigur og fengu þrjú mikilvæg stig í fallbaráttunni.
Tveir stuðningsmenn voru handteknir í stúkunni í dag fyrir að leika eftir flugvél og ögra stuðningsmönnum Cardiff.
Eins og flestir vita þá er framherjinn Emiliano Sala látinn en hann lést í flugslysi í janúar.
Hann var nýbúinn að skrifa undir samning við Cardiff og átti að koma til félagsins frá Nantes.
Flugvélin hrapaði hins vegar og komst aldrei á leiðarenda. Búið er að staðfest andlát Sala.
Það var viðbjóðslegt það sem þessir stuðningsmenn buðu upp á og eiga þeir von á harðri refsingu og lífstíðarbanni.