Geir, fyrrum formaður og framkvæmdarstjóri KSÍ reynir þessa dagana að tryggja sér sæti á ný sem formaður KSÍ. Geir hætti fyrir tveimur árum, taldi komið gott.

Hann snýr nú aftur með nýja hugmyndafræði, hann hugsar fótboltann öðruvísi. Geir gerði margt gott fyrir KSí en var umdeildur í starfi

Það hefur verið rætt um drykkjumenningu í herbúðum KSÍ á meðan Geir var formaður.

Geir og fleiri starfsmenn KSÍ eru ásakaðir um það að hafa skemmt sér aðeins of mikið á tímum og hefur myndast gagnrýni í kringum það mál.

Hann viðurkennir að hann hafi skemmt sér of mikið en nú eru breyttir tímar í íslenska landsliðinu.

Geir segir að hlutirnir hafi breyst mikið undanfarin ár og þá sérstaklega eftir komu Lars Lagerback sem kom inn með sínar hugmyndir.

,,Ég myndi segja sko að já sko  þegar ég kem inn í knattspyrnuhreyfinguna sem ungur maður þá kynntist ég þessari menningu, má segja,“ sagði Geir um breytingarnar innan KSÍ.

,,Í knattspyrnu og íþróttum almennt, þá var kannski svona, og þetta var ekki bara þekkt í kringum knattspyrnu á Íslandi, þetta þekktist í kringum knattspyrnu í öllum heiminum en með kynslóðunum og með breytingunum hefur auðvitað þróast mikið og breyst til hins betra og núverandi hópur, það er aðdáunarvert leikmenn í dag hugsa miklu meira og betur um sína heilsu.“

,,Klúbbarnir þeirra, leikmanna, gera miklu meiri kröfur til leikmanna sinna í dag, þetta eru gríðarleg laun sem leikmennirnir fá, eðlilega. En það var annað andrúmsloft í kringum þetta sem ég kynntist.“

,,En ég verð að segja að sem betur fer hefur mikið breyst mikið til batnaðar og Lars, ein ástæðan fyrir að við fengum útlending var að Lars kom með sínar hugmyndir utan frá til að hjálpa okkur að breyta ýmsu í kringum landsiðið.
,,Lars var ekki með boð og bönn hann bara gerði ákveðnar kröfur á menn og vildi að hlutirnir væru í lagi.“