Alda Karen Hjaltalín fer út á lífið í silki náttfötum, svo segir í nýjasta tölublaði Mannlífs þar sem Alda Karen fjallaði um fatastíl sinn
Alda Karen Hjaltalín er nafn sem lesendum ætti að verða orðið kunnugt eftir umræður síðustu vikna. Hún er sjálfstætt starfandi ráðgjafi og fyrirlesari sem hefur notið mikilla vinsælda fyrir fyrirlestra og lífsspeki hennar um svokallaða lífslykla, sem hún segir nýtast í baráttunni gegn þunglyndi og leiða til betra lífs. Hún varð umdeild á dögunum eftir að halda því fram að þunglyndissjúklingum nægði að telja sjálfum sér trú um að þeir væru nóg.
Blaðamaður Mannlífs leitaði þó ekki til Öldu til að fá upplýsingar um lífslyklana hennar, heldur til að fá að gægjast fataskáp hennar. Alda Karen þykir hafa látlausan en töff fatasmekk og ræddi við Mannlíf um uppáhalds fatnaðinn. Þegar kemur að fatavali segist Alda sækja sér innblástur til Hollywood-stjarna á borð við Blake Lively og Söruh Jessicu Parker.
„Svo sá ég Söruh Jessicu Parker einu sinni í New York og hún er algjör gyðja í eigin persónu svo ég lít reglulega á Instagram-ið hennar eftir innblæstri.“
En furðulegustu fatakaupin, segir hún að hafi verið náttföt úr silki. Náttföt eru sennilega ósköp hversdagsleg kaup öllu að jafna en Alda Karen brúkar þau ekki aðeins til að sofa í heldur fer hún jafnframt í þeim út að skemmta sér.
„Gildir það sem furðulegt? Sarah Jessica Parker gerði það samt fyrst svo ég kenni henni um. Þetta er bara svo þægilegt. Maður dressar náttfötin bara upp með hælum og fallegu skarti og skellir sér út.“
