Aaron Ramsey, leikmaður Arsenal, má semja við Juventus í þessum mánuði með einu skilyrði.
Frá þessu er greint í kvöld en Ramsey mun annars fara frítt til ítalska félagsins næsta sumar.
Arsenal er opið fyrir því að leyfa honum að fara fyrr ef félaginu tekst að fá tvo leikmenn í staðinn.
Liðið reynir að fá þá James Rodriguez frá Real Madrid og Denis Suarez frá Barcelona.
Þeir myndu báðir gera lánssamning við enska félagið en Arsenal mun ekki kaupa í þessum glugga.
Ramsey myndi þá geta skrifað undir hjá Juventus fyrir tíu milljónir punda.