WOW air hyggst selja fjórar Airbus flugvélar til flugfélagsins Air Canada. Í fréttatilkynningu kemur fram að með þessu muni sjóðstaða WOW air batna um 12 milljónir Bandaríkjadala, eða rúmlega 1,4 milljarða íslenskra króna.
Fram kemur að stjórn WOW air hafi samþykkt viðskiptin, en salan sé „hluti af endurskipulagningu félagsins og „hefur legið fyrir að minnka þurfi flotann til þess að auka hagkvæmni, draga úr árstíðarsveiflu og hámarka arðsemi“.
Um er að ræða Airbus A321 vélar sem WOW air hefur verið með á kaupleigu frá 2014 og verða vélarnar verða afhentar í janúar 2019.
„Þetta er mjög jákvætt og mikilvægt skref í endurskipulagningu WOW air þar sem við bæði minnkum flotann og bætum lausafjárstöðu félagsins með sölu á þessum flugvélum,“ er haft eftir Skúla Mogensen forstjóra og stofnanda WOW air.
