Það eru ekki allir leikmenn sem ná að standa sig á Englandi og er hægt að nefna ófá dæmi.
Bebe, fyrrum leikmaður Manchester United, er einn af þeim en hann samdi við United árið 2010.
Bebe kostaði United 7,4 milljónir punda en Sir Alex Ferguson fékk hann til félagsins.
Dvöl Bebe var ekki frábær en hann spilaði aðeins tvo leiki áður en hann var seldur heim til Portúgals.
,,Á hverjum degi þá hringdi ég í umboðsmanninn minn og bað hann um að koma mér burt. Þetta var slæmur tími,“ sagði Bebe.
,,Þegar þú spilar ekki, jafnvel þó þú sért hjá frábæru félagi, þá ertu ekki ánægður svo af hverju að halda áfram?“
,,Ég man að ég átti að spila leik með unglingaliðinu og umboðsmaðurinn minn hringdi í mig.“
,,Hann sagði mér að það væri búið að selja mig til Benfica. Það var besta augnablik sem ég hef upplifað.“
