Liverpool er í bílstjórasætinu í kapphlaupinu um miðjumanninn Thorgan Hazard sem spilar með Borussia Monchengladbach.

Þýskir miðlar greina frá þessu í dag en Thorgan er bróðir Eden Hazard sem spilar með Chelsea.

Thorgan var áður á mála hjá Chelsea en yfirgaf félagið árið 2015 og hefur ferill hans nú náð flugi.

Hann er einn mikilvægasti leikmaður Gladbach og er einnig orðinn partur af belgíska landsliðinu.

Thorgan er með tíu mörk og fimm stoðsendingar á tímabilinu og eru stærri lið að sýna honum áhuga.

Liverpool er líklegasti áfangastaðurinn miðað við fréttir dagsins og gæti hann þar mætt bróður sínum á Englandi.