Atli Eðvaldsson, fyrrum landsliðsmaður, er að glíma við erfið veikindi en hann staðfesti þetta í samtali við RÚV í kvöld.
Atli var frábær knattspyrnumaður á sínum tíma og var lengi atvinnumaður í Þýskalandi. Hann spilaði með liðum á borð við Borussia Dortmund og Fortuna Dusseldorf.
Atli gerðist síðar þjálfari og þjálfaði til að mynda íslenska landsliðið frá 1999 til 2003.
Atli greindi frá því í samtali við RÚV í kvöld að hann væri að glíma við veikindi. Þetta var honum tjáð fyrir tveimur árum.
Honum var sagt að hann ætti nokkrar vikur eftir fyrir heilum tveimur árum síðan. Baráttan heldur áfram.
,,Jú maður er alltaf að berjast. Það kemur bara í ljós hvernig hún [baráttan] fer,“ sagði Atli spurður út í veikindin.
,,Það er ekki kominn tími á að tala um þetta. Ég hef verið í tvö ár í þessu, mér voru gefnar einhverjar vikur fyrir tveimur árum síðan.“
,,Sem dæmi þá hef ég fengið fjögur þjálfaratilboð erlendis, tveir klúbbar í Færeyjum og tveir í Svíþjóð. Ég get ekki tekið við þeim því ég veit ekki hvert ástandið mitt verður.“