Marouane Fellaini, leikmaður Manchester United, er ekki sá vinsælasti á meðal stuðningsmanna Arsenal í dag.
Fellaini kom við sögu á Old Trafford í kvöld er United gerði 2-2 jafntefli við Arsenal í hörkuleik.
Belginn byrjaði leikinn á varamannabekknum en kom inná í síðari hálfleik í stöðunni 2-2.
Fellaini þykir oft vera grófur leikmaður og var heppinn að fá ekki spjald fyrir brot eftir að hafa komið inná.
Miðjumaðurinn reif þá í hár Matteo Guendouzi, leikmanns Arsenal og reyndi að stöðva sókn gestanna.
,,Hann er svo mikill hrotti,“ skrifar einn stuðningsmaður Arsenal á samskiptamiðlinum Twitter.
Annar bætir við: ,,Ef Fellaini má ekki vera með þykkt og fallegt hár þá má það enginn.“
Atvikið má sjá hér.
Fellaini must not be allowed to get away with this. #RetrospectiveAction pic.twitter.com/1RlFer8k2H
— AFCPressWatch (@AFCPressWatch2) 6 December 2018
