Það er stórleikur á dagskrá í ensku úrvalsdeildinni í kvöld en Manchester United og Arsenal mætast þá á Old Trafford.
Arsenal hefur verið á frábæru róli undanfarið og hefur ekki tapað leik síðan í annarri umferð.
United er í meira veseni og situr í áttunda sæti deildarinnar. Liðið er átta stigum á eftir Arsenal sem er í fjórða sæti.
Þeir Paul Pogba og Romelu Lukaku byrja ekki í kvöld. Þeir eru báðir á varamannabekk United. Aaron Ramsey fær þá byrjunarliðssæti hjá Arsenal.
Hér má sjá byrjunarlið kvöldsins.
Manchester United: De Gea, Dalot, Bailly, Smalling, Rojo, Darmian, Herrera, Matic, Lingard, Rashford, Martial
Arsenal: Leno, Bellerin, Mustafi, Sokratis, Holding, Kolasinac, Torreira, Guendouzi, Ramsey, Iwobi, Aubameyang
