Rekstrarfélag fataverslana Húrra Reykjavík hagnaðist um liðlega 20 milljónir króna í fyrra borið saman við 37 milljóna króna hagnað árið áður. Það er markaðurinn í Fréttablaðinu sem fjallar um málið.
Þessar tölur koma fram í ársreikningi félagsins frá síðasta ári en verslanir Húrra seldur vörur fyrir 375 milljónir króna á síðasta ári. Salan jókst um 48 prósent frá árinu 2016.
Árið 2016 var hagnaður Húrra 37 milljónir og hagnaðurinn á síðustu tveimur árum því 57 milljónir króna.
Einn eiganda Húrra Reykjavík er Sindri Snær Jensson, varamarkvörður KR en sömu eigendur eru af Flatey Pizza sem hefur vakið mikla lukku.
Húrra Reykjavík átti 135 milljónir í eignir í lok síðasta árs og eigið fé var 26 milljónir.
Jón Davíð Davíðsson á verslanir Húrra ásamt Sindra en verslunin opnaði árið 2014, fyrst sem herraverslun en verslun fyrir konur opnaði tveimur árum síðar.
