Arsene Wenger, fyrrum stjóri Arsenal á Englandi, fékk boð á dögunum um að snúa aftur í ensku úrvalsdeildina.
The Telegraph greinir frá þessu í dag en Wenger hefur verið án starfs síðan hann kvaddi Arsenal í sumar.
Frakkinn fékk boð um að taka við liði Fulham sem ákvað að reka Slavisa Jokanovic eftir slæmt gengi.
Wenger hafnaði hins vegar boði Fulham en hann ætlar að hefja störf á ný í byrjun næsta árs.
Claudio Ranieri var maðurinn sem Fulham leitaði svo til og var hann ráðinn nýr stjóri félagsins í dag.
Wenger er orðaður við nokkur lið en Bayern Munchen og AC Milan eru á meðal þeirra.