Í morgun samþykkti bæjarráð Garðabæjar beiðni Stjörnunnar um að körfuboltaleikvangur félagsins, sem hingað til hefur borið hið forna nafn Ásgarður, fái heitið Mathús Garðabæjar höllin.

„Deild­in hef­ur kom­ist að sam­komu­lagi við Mat­hús Garðabæj­ar að sal­ur­inn beri nafn fy­rirtæk­is­ins í um­fjöll­un fjöl­miða. Þannig að heima­leik­ir Stjörn­unn­ar í körfu­bolta fari fram í Mat­hús Garðabæj­ar höll­inni.“

Samningurinn er til eins árs, en margir hafa látið í ljós undrun sína á samfélagsmiðlum með þessa ákvörðun, þar sem nafnið þyki ekkert sérstaklega þjált, né fallegt.

Til dæmis áréttar Baggalúturinn Bragi Valdimar Skúlason hvernig nafnið beygist:

Bara svo það sé á hreinu frá upphafi og enginn lendi í vandræðum með að beygja þetta fallega, þjála nafn:

Nf. Mathús Garðabæjar höllin
Þf. Mathús Garðabæjar höllina
Þgf. Mathúsi Garðabæjar höllinni
Ef. Mathúss Garðabæjar hallarinnar pic.twitter.com/toJciJlCAi

— Bragi Valdimar (@BragiValdimar) October 30, 2018

garðabær gonna garðabær pic.twitter.com/dd9z8qzoTA

— Berglind Festival (@ergblind) October 30, 2018

Spái því að þessu barni verði strítt pic.twitter.com/cH4730LUcL

— Atli Fannar (@atlifannar) October 30, 2018