Peter Maes, þjálfari Lokeren í Belgíu, hefur verið handtekinn en hann er grunaður um að hafa hagrætt úrslitum leikja.
Maes hefur verið þjálfari Lokeren síðan á síðasta ári en hann tók við liðinu af Rúnari Kristinssyni.
Maes er 54 ára gamall Belgi en hann hefur áður starfað hjá liðum eins og KV Mechelen og Genk.
Maes er nú til rannsóknar hjá lögreglunni í Belgíu en hann er grunaður um að vera partur af stóru svikamáli.
Óvíst er hvað verður um Maes eins og er en Arnar Þór Viðarsson mun taka við Lokeren tímabundið.
Arnar Þór hefur verið aðstoðarmaður Maes en mun sjá um liðið á meðan rannsóknin fer fram.
Einn Íslendingur er á mála hjá Lokeren en Ari Freyr Skúlason spilar með félaginu.
