Jón Daði Böðvarsson, sóknarmaður Reading hefur gaman af því að borða íslenskan mat en hann hefur lengi búið erlendis.
Jón Daði hefur verið lykilmaður í íslenska landsliðinu síðustu ár en hann fékk sviðasultu um daginn til sín.
Jón ákvað að fara með hana á æfingasvæði Reading og gefa liðsfélögum sínum að smakka, sumir tóku vel í því. Aðrir ekki.
Jón Daði byrjaði á að reyna að gefa Sone Aluko liðsfélaga sínum sviðasultu. ,,Ekki séns,“ sagði Aluko, sem hafði ekki neinn áhuga á að smakka.
Aðrir fengu sér bita en Jón Daði hafði skorið bitana snyrtilega niður. Sumum fannst þetta gott en aðrir sýndu svipbrigði sem bentu til þess að þeim þætti þetta ekki gott.
Hægt er að sjá klippur af þessu í story á Instagram hjá Jóni Daða.
