Markvörðurinn Petr Cech er sá eini sem hefur byrjað betur í ensku úrvalsdeildinni en Alisson Becker, markmaður Liverpool.

Alisson er aðalmarkvörður Liverpool í dag en hann var keyptur til félagsins frá Roma á Ítalíu í sumar.

Alisson hefur þótt standa sig með prýði á Anfield þrátt fyrir nokkur mistök sem hafa komist í fréttirnar.

Cech er þá mikill reynslubolti en hann kom til Chelsea fyrir mörgum árum síðan og samdi svo við Arsenal.

Alisson hefur haldið hreinu í sex af níu fyrstu leikjum sínum í efstu deild sem er frábær árangur.

Aðeins Cech náði betriu árangri hjá Chelsea á sínum tíma en hélt hreinu sjö sinnum í fyrstu níu umferðunum.