Eins og flestir vita er Cristiano Ronaldo, leikmaður Juventus, vafinn í leiðindarmál þessa dagana.
Ronaldo er ásakaður um að hafa nauðgað hinni 34 ára gömlu Kathryn Mayorga í Las Vegas árið 2009.
Lögreglurannsókn var hætt á sínum tíma þar sem Mayorga tók við greiðslu frá Ronaldo og lofaði að tala aldrei aftur um málið.
Mayorga ákvað hins vegar að stíga fram í síðasta mánuði og hefur rannsókn á málinu nú farið af stað á ný.
Fyrrum kærasta Ronaldo, Nereida Gallardo, hefur nú komið Ronaldo til varnar og talar mjög vel um Portúgalann.
,,Hann var mjög kurteis, hlýr og elskulegur. Hann lét alltaf eins og herramaður þegar við vorum saman,“ sagði Gallardo.
,,Ég er því steinhissa á þessum fréttum. Cristiano kom mjög vel fram við mig þegar við vorum í sambandi.“
,,Hann var aldrei of ákafur í sambandinu, ekki einu sinni nálægt því. Ég get ekki séð hann fyrir mér halda konu niðri og nauðga henni. Hann er ekki árásargjarn í rúminu.“
,,Ég hef verið með mönnum sem áreita þig munnlega eða mönnum sem vilja taka þig hörðu taki en hann er ekki þannig.“
Gallardo og Ronaldo voru saman áður en hann hitti Mayorga en samband þeirra endaði svo árið 2008.
