Hörður Björgvin Magnússon lék allan leikinn fyrir lið CSKA Moskvu í gær sem mætti Anzhi í rússnensku úrvalsdeildinni.
Hörður var partur af fimm manna varnarlínu CSKA í leiknum og stóð sig með prýði í 2-0 sigri á útivelli.
CSKA lyfti sér upp í þriðja sæti deildarinnar með sigri og er sex stigum á eftir toppliði Zenit.
Eftir leik var Khabib Nurmagomedov, einn frægasti bardagakappi í heimi mættur að fagna með liðinu.
Khabib Nurmagomedov vann svakalegan sigur á Conor McGregor í UFC á dögunum en hann er frá Rússlandi.
Hann var mættur í klefa CSKA eftir leik og virðist hafa fengið treyjuna frá Herði Björgvini.
Mynd af þeim félögum má sjá hér að neðan.
