Kári Árnason, leikmaður Íslands, segir að það sé stórhættulegt að lenda undir gegn liði eins og Sviss.
Ísland tapaði 2-1 fyrir Sviss í Þjóðadeildinni í kvöld en gestirnir komust í 2-0 snemma í fyrri hálfleik.
,,Fyrsta markið breytir þessum leik algjörlega. Þetta er lið sem þú mátt ekki fá á þig fyrsta markið, þá geta þeir haldið boltanum þar til sólin sest,“ sagði Kári.
,,Maður vill ekki gambla of snemma en þeir teygja á okkur og þá skapast færi fyrir Shaqiri en svo lokum við því eftir seinna markið þegar við verðum að gambla. Ég fer upp á hann og skil Ragga eftir einan með senterinn. Þú vilt ekki gera það undir venjulegum kringumstæðum.“
,,Þetta voru tvö klaufaleg mörk en þeir eru ekkert að skapa nein dauðafæri. Við sköpum miklu betri færi í leiknum og þeir eiga varla skot á markið í fyrri hálfleik.“
