Stöð 1: Austurbær-Vesturbær-Miðborg-Seltjarnarnes
-Kl. 22:39 var tilkynnt um árekstur og afstungu í hverfi 107 en þar hafði verið ekið utan í bifreið og fór tjónvaldur af vettvangi án þess að láta vita.
-Kl. 00:04 var tilkynnt um karlmann í annarlegu ástandi vera að berja á útidyr fjölbýlishúss í miðborginni. Ljóst kom að þarna var um að ræða íbúa í húsinu en hann hafði læst sig úti og ekki náð sambandi við meðleigjanda sinn sem lá sofandi áfengissvefni inni í íbúðinni.
-Kl. 02:10 var karlmaður handtekinn vegna gruns um líkamsárás inni á bar í miðborginni. Þar hafði hann m.a. bitið gest á barnum og beit hann svo dyravörð eftir að dyravörðurinn reyndi að vísa manninum út. Karlmaðurinn var vistaður í fangaklefa enda var hann mjög ölvaður og illviðræðuhæfur.
-Kl. 03:11 var karlmaður handtekinn í hverfi 108 vegna gruns um ölvun við akstur. Var hann frjáls ferða sinna að lokinni blóðsýnatöku.
-Kl. 03:19 var kvenmaður handtekinn í miðborginni vegna gruns um ölvun við akstur. Var hún frjáls ferða sinna að lokinni blóðsýnatöku.
-Kl. 03:44 var kvenmaður handtekinn í miðborginni vegna gruns um ölvun við akstur. Var hún frjáls ferða sinna að lokinni blóðsýnatöku.
-Kl. 04:33 var tilkynnt um slagsmál á milli nokkurra aðila í miðborginni. Voru slagsmálin yfirstaðin þegar lögreglan kom á vettvang. Rætt var við málsaðila og upplýsingar teknar en enginn handtekinn.
-Kl. 04:42 var karlmaður handtekinn eftir að hann hafði kastaði glerflösku í lögreglubifreið sem var staðsett í akstri í miðborginni. Varð karlmaðurinn mjög æstur þegar lögreglan hafði afskipti af honum og var hann færður á lögreglustöð.
-Kl. 04:55 var karlmaður handtekinn eftir að lögreglan hafði ekið fram á slagsmál á milli hans og annars manns í miðborginni. Voru þeir skildir að og var sá handtekni fluttur á lögreglustöð. Var hann svo frjáls ferða eftir viðræður við lögreglu enda var hann orðinn rólegur og ekki frekari kröfur á hendur honum.
-Kl. 05:20 var karlmaður handtekinn í miðborginni eftir að hann hafði m.a. hrækt á lögreglumenn og haft í hótunum við þá. Lögreglumennirnir höfðu haft afskipti karlmanninum skömmu áður þar sem hann hafði haft í hótunum við annan karlmann sem átti leið hjá honum. Brást hann við á fyrrgreindan hátt og var hann vistaður í fangaklefa enda var hann í talsvert annarlegu ástandi sökum ölvunar.
-Kl. 05:35 var karlmaður handtekinn í miðborginni vegna gruns um akstur undir áhrifum ávana- og fíkniefna auk þess sem hann var ölvaður. Karlmaðurinn var einnig ökuréttindalaus enda hafði hann verið sviptur þeim fyrir nokkru. Var hann frjáls ferða sinna að lokinni skýrslu- og sýnatöku.
-Kl. 08:59 var óskað eftir aðstoð lögreglu vegna kvenmanns sem hafði neitað að greiða fyrir leigubifreið sem hún tók að húsnæði í hverfi 105. Lögreglan fór á vettvang og ræddi við konuna sem var ölvuð en málið var afgreitt á vettvangi.
-Kl. 09:40 voru tveir karlmenn handteknir vegna gruns um nytjastuld á bifreið auk þess sem að annar karlmaðurinn er grunaður um akstur undir áhrifum ávana- og fíkniefna en hann var ökumaður bifreiðarinnar. Voru þeir að auki með meðferðis eggvopn og meint fíkniefni.
Stöð 2: Hafnarfjörður-Garðabær-Álftanes
-Kl. 23:49 var tilkynnt um eld í plastgámi fyrir utan skóla í hverfi 210. Var eldurinn slökktur skömmu síðar.
-Kl. 00:44 óskaði leigubifreiðarstjóri sem staddur var í hverfi 221 eftir aðstoð lögreglu vegna farþega sem svaf ölvunarsvefni í bifreiðinni og gat hann ekki vakið hann. Farþeginn var vakinn skömmu síðar og fékk að halda sína leið fótgangandi eftir að hafa greitt fargjaldið.
-Kl. 01:32 var karlmaður handtekinn í hverfi 210 vegna gruns um akstur undir áhrifum ávana- og fíkniefna. Auk þess var hann með meint fíkniefni og eggvopn meðferðis. Var hann frjáls ferða sinna að lokinni skýrslu- og sýnatöku.
Stöð 3: Kópavogur-Breiðholt
-Kl. 21:05 voru tveir karlmenn handteknir vegna gruns um vörslu og sölu fíkniefna í hverfi 111. Voru þeir vistaðir í fangaklefa vegna málsins.
-Kl. 00:16 var kvenmaður handtekin vegna gruns um ölvun við akstur. Var hún frjáls ferða sinna að lokinni sýnatöku.
-Kl. 02:15 var karlmaður handtekinn á bar í hverfi 111 fyrir að fara ekki að fyrirmælum lögreglu. Hafði honum verið gefin ítrekuð fyrirmæli að fara af vettvang eftir að hafa lent í stimpingum við dyraverði á barnum. Varð hann ekki við þessum fyrirmælum en hann var mjög æstur og ósamvinnuþýður. Var hann vistaður í fangaklefa þangað til hægt væri að ræða við hann.
-Kl. 04:02 var óskað eftir aðstoð lögreglunnar vegna karlmanns sem hafði læsts inni í söluturni í hverfi 111. Maðurinn hafði komið að söluturninum eftir lokun og tekið útidyrahurðina sem var kviklæst. Í framhaldinu fór hann inn í söluturninn og við það fór þjófanvarnarkerfi söluturnsins í gang og hurðin lokaðist á eftir honum. Var maðurinn þar inni þegar lögreglu bar að. Maðurinn fékk að fara frjáls ferða sinna enda voru ekki frekari kröfur á hendur honum.
Stöð 4: Grafarvogur-Grafarholt-Árbær-Mosfellsbær
-Kl. 18:52 var tilkynnt um innbrot og þjófnað úr bifreið í hverfi 110.
-Kl. 22:25 var karlmaður handtekinn í hverfi 112 vegna gruns um akstur undir áhrifum ávana- og fíkniefna. Var hann að auki ökuréttindalaus þar sem hann hafði verið sviptur þeim fyrir nokkru. Var hann frjáls ferða sinna að lokinni skýrslu- og sýnatöku.
