Theo Walcott, leikmaður Everton, er með mjög há markmið sem hann vill að félagið nái á tímabilinu.
Walcott segir að Everton geti endað í einu af efstu fjórum sætum deildarinnar en það eru fáir á sama máli.
,,Persónulega þá vonast ég eftir því að enda í efstu fjórum sætunum. Ég er með há markmið,“ sagði Walcott.
,,Ég er mjög jákvæður náungi og ég tel að við séum á réttri leið. Þú þarft að vera raunsær og það er kannski aðeins of mikið en við getum allavegana náð sjötta sæti.“
,,Við þurfum bara að breyta þessum jafnteflum í sigra. Það er svo einfalt.“
