Logi Ólafsson hefur látið af störfum sem knattspyrnuþjálfari Víkings eftir eitt og hálft ár í starfi.

Logi hefur unnið gott starf í Víkinni en félagið ætlar nú að leita að nýjum manni.

Helgi Sigurðsson og fleiri góðir menn eru orðaðir við starfið í Víkinni.

Yfirlýsing Víkings:
Knattspyrnudeild Víkings og Logi Ólafsson ákváðu á fundi í gær að halda samstarfinu ekki áfram og mun Logi því láta af störfum sem þjálfari meistaraflokks karla hjá félaginu. Logi tók við liði Víkings í maí 2017 á erfiðum tímapunkti og gerði samning út tímabilið 2018. Knattspyrnudeild Víkings er þakklát Loga fyrir það kröftuga starf sem hann hefur sinnt undanfarna 15 mánuði og óskar honum velfarnaðar í því sem hann tekur sér fyrir hendur næst.

Stjórn knattspyrnudeildar Víkings