N’Golo Kante, leikmaður Chelsea, hvetur Maurizio Sarri, stjóra liðsins, til að gefa miðjumanninum Ruben Loftus-Cheek tækifæri.

Kante segir að Loftus-Cheek sé tilbúinn að byrja leiki fyrir liðið en hann hefur til þessa verið í varahlutverki.

,,Þegar ég kom til Chelsea þá var Ruben nú þegar hér og hann er klárlega góður leikmaður,“ sagði Kante.

,,Núna er hann að spila fyrir England og stóð sig vel með Crystal Palace á síðustu leiktíð. Ég tel að hann sé tilbúinn að spila.“

,,Hann hefur átt nokkra góða leiki og nú er þetta undir þjálfaranum komið. Við fáum allir tækifæri til að spila fyrir Chelsea og með nokkrum bestu leikmönnum deildarinnar.“