Harry Maguire, leikmaður Leicester City, skrifaði undir nýjan samning við félagið á dögunum.

Maguire var sterklega orðaður við brottför í sumar en Manchester United var sagt vilja fá hann í sínar raðir.

Maguire vakti athygli með enska landsliðinu á HM í sumar en hann segist aldrei hafa verið nálægt því að fara frá liðinu.

,,Nei, það held ég ekki,” svaraði Maguire er hann var spurður út í það hvort hann hafi verið nálægt því að fara til United.

,,Það var einhver smá áhugi þarna en hvað ég vildi var alltaf skýrt eftir að ég ræddi við eigendurna.”

,,Þeir vildu halda mér hjá félaginu og framlengja samninginn minn. Ég vildi spila fyrir þetta félag.”