Tilkynning barst í gær til flugstöðvardeildar lögreglunnar á Suðurnesjum um konu sem hefði fallið í stiga á leið út úr flugvél.
Í skeyti frá lögreglu kemur fram að grunur hafi leikið á því að konan hefði ökklabrotnað. Var hún flutt með sjúkrabifreið undir læknishendur á Heilbrigðisstofnun Suðurnesja, en nánari upplýsingar um líðan konunnar liggja ekki fyrir.
Þá þurfti að lenda flugvél sem var á leið frá Gatwick til Seattle á Keflavíkurflugvelli í gær vegna veikinda farþega. Var farþeginn fluttur með sjúkrabifreið undir læknishendur á HSS.
