Leigubílasögurnar eru daglegur liður hér á 433.is. Í þessum lið er farið yfir helsta slúðrið og sögusagnirnar úr fótboltanum, aðallega úr bresku pressunni.
Félagaskiptaglugginn í flestum stærstu deildum Evrópu er nú opinn og geta lið enn styrkt sig fyrir utan þau sem spila í ensku úrvalsdeildinni.
Hér má sjá pakka dagsins.
Manuel Pellegrini, stjóri West Ham á Englandi, þarf ekki að óttast sparkið þó að liðið hafi tapað fyrstu fjórum leikjum deildarinnar. (Mirror)
David de Gea, markvörður Manchester United, mun skrifa undir nýjan samning við félagið og fær hann 350 þúsund pund á viku. (Sun)
Neymar, leikmaður Paris Saint-Germain, vill frekar spila fyrir Chelsea eða Arsenal en liðin í Manchester. (Express)
Mousa Dembele, leikmaður Tottenham, mun fara til Kína í janúarglugganum. (Sun)
Leikmenn Manchester City óttast sæti sitt í liðinu eftir hvernig Pep Guardiola kom fram við Leroy Sane sem hefur lítið fengið að spila á tímabilinu. (Standard)
Joe Gomez, varnarmaður Liverpool, hvetur markvörðinn Alisson til að halda áfram að spila boltanum á samherja þrátt fyrir mistök um helgina. (Goal)
