Keflavík 1-2 Fylkir
0-1 Emil Ásmundsson(53’)
1-1 Aron Snær Friðriksson(sjálfsmark, 58’)
1-2 Ragnar Bragi Sveinsson(víti, 83’)
Fylkir vann gríðarlega mikilvægan sigur í Pepsi-deild karla í kvöld er liðið heimsótti botnlið Keflavíkur.
Fylkir var þremur stigum frá fallsæti fyrir leikinn í kvöld en þar situr Fjölnir nú með 16 stig. Keflavík er nú þegar fallið og er með fjögur stig.
Fylkir vann 2-1 sigur í Keflavík í kvöld og er nú sex stigum frá fallsæti en Fjölnir á þó leik til góða.
Það var Ragnar Bragi Sveinsson sem sá um að tryggja Fylki sigur með marki úr vítaspyrnu á 83. mínútu leiksins.
Emil Ásmundsson hafði komið Fylki yfir áður en Aron Snær Friðriksson varð fyrir því óláni að skora sjálfsmark og jafnaði fyrir heimamenn.
