Ökumaður sem lögreglan á Suðurnesjum stöðvaði um helgina ætlaði að stinga af og tók því á sprett út í móa. Honum voru gefin fyrirmæli um að stöðva för sína en hann sinnti þeim ekki.
Þetta kemur fram í tilkynningu frá lögreglunni á Suðurnesjum. Fram kemur að lögreglumaður hafi hlaupið ökumanninn uppi.
Ökumaðurinn náði að sparka í hann svo á honum sá áður en að hann var handtekinn og færður á lögreglustöð. Ökuþórinn er grunaður um fíkniefna- og ölvunarakstur.