Logi Ólafsson, þjálfari Víkings R, var svekktur með sína menn í kvöld eftir 4-0 tap gegn Stjörnunni í Pepsi-deild karla.

Víkingar hafa oft spilað betur en í kvöld en þeir bláu réðu öllu á vellinum og unnu sannfærandi sigur.

Víkingar fengu á sig mark eftir aðeins 14 sekúndur og var Logi afar ósáttur við byrjun sinna manna.

,,Ég er fyrst og fremst bara vonsvikinn yfir framlaginu, menn voru lafhræddir og við fáum á okkur mark strax í upphafi,“ sagði Logi við Stöð 2 Sport.

,,Eftir það sjálfsagt hrynja plönin aðeins en að fá svo á okkur þrjú mörk er óafsakanlegt og ég skil ekki framlag leikmannana.“