Lögregla ruddist inn á hinn umdeilda og umtalaða gististað, Hótel Adam, í kvöld og gaf eiganda frest til að rýma staðinn fyrir mánudag. Þetta kemur fram á fréttavef Eiríks Jónssonar. Þar er greint frá því að aðför lögreglu hafi vakið mikla athygli vegfarenda enda er hótelið staðsett við eina fjölförnustu túristagötu borgarinnar, Skólavörðustíg.

Hótel Adam hefur oft verið í fréttum vegna ásakana um að brotið sé á réttindum starfsfólks þar. Enn fremur komst í hámæli er staðurinn reyndi að selja ferðamönnum vatn á flöskum og varaði þá við því að drekka kranavatn. En vatnið á flöskunum var úr krönunum.