Belgía er úr leik á heimsmeistaramótinu í Rússlandi eftir tap gegn Frökkum í undanúrslitum í gær.

Belgar eiga þó enn möguleika á að ná þriðja sæti mótsins og spilar við annað hvort Króatíu eða England um helgina.

Thibaut Courtois, markvörður Belga, var hundfúll eftir tapið í gær og segist frekar hafa viljað tapa gegn Brasilíu í 8-liða úrslitum.

,,Ég hefði frekar viljað tapa gegn Brössum í 8-liða úrslitum, það er allavegana lið sem vill spila fótbolta,“ sagði Courtois.

,,Frakkland er bara lið sem spilar ekki fótbolta,“ bætti markvörðurinn við en Belgar fengu sín færi í gær en tókst ekki að nýta þau í 1-0 tapi.