Laxveiðin gengur vel víða þessa dagana og er Þverá í Borgarfirði aflahæsta veiðiáin þessa stundina. Við heyrðum í Aðalsteini Péturssyni sem var við leiðsögn í ánni og sagði hann veiðina ganga vel bæði í Þverá og Kjarrá og núna eru komnir  850 laxar sem er mjög gott.

Síðasta holl veiðimenn sem var í Þverá veiddi 109 laxa. Það er lax að koma á hverju flóði, vatnið er frábært,“ sagði Aðalsteinn við Þverá sem  hefur gefið flesta laxana eins og áður sagði.

Veiðin gengur fínt þessa dagana það er kannski heldur mikið vatn ef eitthvað er. En einhvern tímann hættir hann að rigna. Flott veiði hefur verið í Haffjarðará en lítið verið talað um hana en þar hafa veiðst 350 laxar og holl sem var um daginn veiddi 50 laxa marga vel væna.

Mynd. Lax kominn á land í Þverá í Borgarfirði í gær. En áin hefur gefið 550 laxa. Mynd AP