Paul Pogba gæti verið að spila sitt síðasta heimsmeistaramót aðeins 25 ára gamall en hann greinir frá þessu í dag.

Pogba er oft gagnrýndur er hann spilar fyrir Frakkland og hefur sjálfur greint frá því að það sé þreytandi.

Miðjumaðurinn hefur staðið sig með prýði á mótinu til þessa sem gæti verið hans síðasta með landsliðinu.

,,Kannski er þetta mitt síðasta heimsmeistaramót, við vitum það ekki,“ sagði Pogba við blaðamenn.

,,Ég nýt þess að spila og reyni að gleyma gagnrýninni. Ég tala á vellinum, það er eina svarið.“

,,Ég gef allt í sölurnar fyrir þetta lið og mig langar gríðarlega mikið að vinna mótið.“