,,Ég held að þessi ró komi út af EM,“ sagði Hörður Björgvin Magnússon bakvörður íslenska landsliðsins í samtali við 433.is í dag.

Hörður og félagar eru afar rólegir þó nú séu aðeins tveir dagar í fyrsta leik liðsins á HM.

Liðið ferðast til Moskvu í dag og tekur æfingu á keppnisvellinum á morgun en liðið mætir Argentínu á laugardag.

,,Við vitum hvernig það er að fara á stórmót, við viljum fá þennan fiðring aftur. Það gaf okkur mikið í leikjunum, hann kemur þegar við lendum í Moskvu. Þegar maður byrjar að sjá áhorfendur trompast fyrir utan hótelið.“

,,Adrenalínið gefur alltaf auka 10-15 prósent, maður þarf að nota það eins vel og hægt er.“

Viðtalið er í heild hér að neðan.