Hörður Snævar Jónssons skrifar frá Rússlandi:
Birkir Bjarnason er að glíma við smávægileg meiðsli í rassvöðva og gat sökum þess ekki æft að fullum krafti.
Alfreð Finnbogason og Ragnar Sigurðsson voru sömuleiðis ekki með að fullum krafti í dag.
Ákveðið var fyrir æfingu að Aron Einar Gunnarsson myndi ekki taka þátt í æfingu liðsins, fyrirliðinn er að jafna sig eftir meiðsli.
,,Það er flugþreyta, sumir sváfu illa. Sumir eru stífir eftir leikinn, við vildum fara varlega á fyrstu æfingu. Menn máttu stíga út á æfingunni þegar þeir vildu,“ sagði Heimir Hallgrímsson, þjálfari liðsins.
,,Við vildum vera skynsamir, Birkir var stífur aftan í rassvöðva eftir leikinn gegn Ghana. Það er bara það, við viljum ekki taka áhættur.“
