Fasteignasalan Remax Senter er nú með til sölu glæsilegt einbýlishús á Arnarnesi. Húsið sem er að Blikanesi 21 var hannað 1967 fyrir Odd Thorarensen af arkitektinum Manfreð Vilhjálmssyni, sem er einn af virtustu arkitektum okkar. Húsið hefur sterk einkenni þessa magnaða arkitekts sem hefur alla tíð sett markið hátt í listrænu tilliti.
Húsið er steinsteypt með grófum rákuðum útveggjum, flötu þaki og er 467,5 fm. Eignin hefur verið mikið endurnýjuð og í breytingum þess var passað upp á að halda í karakter og virðing borin fyrir hönnun hússins.
Í húsinu eru meðal annars þrjár stofur á pöllum með glæsilegum arni sem er opinn á tvo vegu og stórt eldhús/borðstofa með útgengi í garð. Einstök eign.
Upplýsingar um eignina má finna hér.
