Gareth Bale reyndist hetja Real Madrid í kvöld er liðið fagnaði sigri í Meistaradeild Evrópu.
Bale kom inná sem varamaður í síðari hálfleik í stöðunni 1-1 og tryggði Real 3-1 sigur með tveimur mörkum.
Bale hefur ekki fengið að spila í hverri viku hjá Real og staðfesti það eftir leik að hann væri að íhuga framtíðina.
,,Ég þarf að spila í hverri viku og það hefur ekki gerst á þessari leiktíð,“ sagði Bale eftir leik.
Bale staðfesti það svo einnig að hann myndi ræða við umboðsmann sinn um hver hans næstu skref yrðu í sumar.