Ólafur Ragnar segir að Obama skorti reynslu.

Ólaf vantar ekki reynsluna, hann byrjaði ungur að klifra hinn pólitíska metorðastiga í ýmsum stjórnmálaflokkum.

Vandi hans er örugglega ekki reynsluleysið heldur að hann er eins og autt blað, tabula rasa.

Hann hefur í raun aldrei staðið fyrir neitt.

Og þess vegna er hann veikur fyrir því að stökkva á hluti eins og útrásina – og að nokkru leyti loftslagsbreytingar. Hann er tilvalinn félagsskapur fyrir mann eins og Al Gore sem hefur á einstakan hátt náð að sameina hugsjónastarf og viðskipti – berjast fyrir málefni og græða á því í leiðinni.

Eitthvað innihald verða forsetar að hafa.

Það þarf að skrifa á blaðið

Ólafur sagði um daginn að útrásarvíkingarnir hefðu misnotað forsetaembættið.

Vegna þess að Ólafur getur ekki finnur ekki merkingu í sjálfum sér eða í stjórnmálaferli sínum, reyndist það þeim sérlega auðvelt.