Uppbygging Kópavogsbæjar hefur löngum verið ráðgáta.

Bænum tókst á stuttu árabili að klára allt byggingaland sitt og eiginlega meira til.

Landnýtingin í þessum miklu framkvæmdum var ekkert yfirmáta góð. Umferðarmannvirki eru óhemju fyrirferðarmikil og byggðin einkennilega sundurlaus.

En útþensluáformin voru enn stórkostlegri, eins og má lesa í þessari frétt Ríkisútvarpsins þar sem er fjallað um kaup á svonefndu Glaðheimalandi. Segir að Kópavogur sitji uppi með 10 milljarða skuld vegna kaupanna:

„Ekki liggi fyrir hverjir það voru sem Kópavogsbær keypti landið af og hverjir það voru sem Kópavogsbær seldi landið. Ástæða þess að tekist hafi að semja um jafn hátt verð og 6,5 milljarða fyrir landið hafi verið að bærinn myndi heimila 180.000 fermetra byggingamagn á svæðinu. Það sem miklu þéttari byggð en þekkst hefur hér á landi og minni fremur á Manhattan.  Meðal annars voru komnar fram hugmyndir um 40 hæða háhýsi en það er tvöföld hæð turnsins við Smáratorg, hæsta húss á Íslandi.“