Friðrik Friðriksson, sem hefur starfað á vettvangi Sjálfstæðisflokksins síðan formaður flokksins var barn og er eiginmaður Elínar Hirst, hefur ákveðið að láta af embætti sem formaður kosningastjórnar í Suðvesturkjördæmi. Þetta gerist í kjölfar hinnar misheppnuðu tilraunar til að koma Bjarna úr formannsembættinu.

Friðrik er í stuttu viðtali um þetta á fréttavefnum Vísi, og er það auðvitað áhugavert. Haft er eftir honum að enginn sérstakur ágreiningur sé milli hans og Bjarna og –

„…mér finnst það ánægjulegt að Bjarna hafi tekist að ná smá augnabliki í kringum flokkinn.“

Þetta skilst því miður ekki alveg, hvað vildi Friðrik segja?

Ætlaði blaðamaður kannski að passa upp á íslenskuna og þýddi orðið „momentum“ sem „augnablik“?

Og svo er náttúrlega spurningin hvernig þetta fer – mun fylgi Sjálfstæðisflokksins aukast eftir vígaferli helgarinnar? Yfirleitt eru innanflokksátök ekki til þess fallin að gera stjórnmálaflokka vinsæla, en kannski hefur spilast þannig úr verði „augnarblik“ sem hrífi einhverja kjósendur með?

Það allavega kom heil helgi að ekki var talað um Framsóknarflokkinn.